БААда бўлиб ўтган мавсумнинг илк ҳориж йиғинини якунлаган Қаршининг "Насаф" клуби кеча Ўзбекистонга қайтиб келди.
29 январь санасига қадар футболчилар оила-аъзолари даврасида бўлишади. Клуб расмий веб-сайти хабарига кўра Рўзиқул Бердиев жамоаси 2 февраль куни иккинчи ҳориж йиғинини ўтказиш учун Туркиянинг Анталия шаҳрига йўл олади. Бу ерда 7та назорат ўйинида майдонга тушиш режалаштирилган. Бу ҳақда бош мураббий қуйидаги фикрларни билдириб ўтди.
"Дастлабки йиғин режадагидек кечди. Фақатгина илк назорат учрашуви хитойлик рақбилармиз маълум сабабларга кўра Дубайга етиб кела олмаганлиги сабабли ўтказилмади. Қолган ўйинларда деярли барча футболчиларни синовдан ўтказиб олдик. Туркиядаги йиғин давомида эса ҳар икки кунда назорат учрашувида майдонга чиқамиз. Бу асосий таркибни шакллантиришда жуда муҳим. Қолаверса Анатлиядаги йиғин давомида бир қатор легионерлар ҳам кўрикдан ўтиши мумкин".
