Туриннинг «Ювентус» клуби футболчиси Федерико Кьеза «Аталанта» билан ўйиндан сўнг ўз фикрларини билдирди.
«Юве» кучли рақибини мағлубиятга учратди ва Италия кубогини қўлга киритди. Дарҳақиқат, «Аталанта» ажойиб ўйнади, мен уларга муносиб баҳо беришим керак.
Бутун ўйин давомида жуда қийналдик. «Ювентус» шу ерда тажриба муҳимлигини яна бир бор исботлади. Ҳаммамиз ғалаба қозонишни жуда хоҳладик.
«Аталанта»ни ўз услубида енгдик. Иккинчи бўлимда тезликни ошириб, кучли прессингга ўйнадик.
Мухлислар қайтиб келганидан жуда хурсандмиз. Улар билан қувонч туйғуларини баҳам кўриш жуда ёқимли", - дейди Федерико.
