«Бавария» ҳимоячиси Никлас Зюле фаолиятини Англияда давом эттириши мумкин.
25 ёшли немиснинг хизматларига «Челси» қизиқмоқда.
Аввалроқ, мюнхенликлар Никласнинг сотуви бўйича тўлиқ кўриб чиқишлари мумкинлиги ҳақида хабар берилганди. Клубда ўйинчига жисмоний тайёргарлик бўйича берадиган саволлар мавжуд.
Зюле 37 млн еврога баҳоланмоқда, унинг «Бавария» билан шартномаси 2022 йилнинг ёзига қадар мўлжалланган.
Футболчининг хизматларига «Челси» бош мураббийи Томас Тухелнинг шахсан ўзи қизиқмоқда. Ўйинчининг ўзи дастлаб Европа чемпионатида иштирок этишни истаётгани ва келажаги ҳақида кейинроқ қарор қабул қилишини маълум қилган.
Зюле жорий мавсум Бундеслиганинг 20 ўйинида битта гол урган ва бир маротаба огоҳлантирилган.
