Ҳимоячи Серхи Роберто ёзги трансферлар вақтида «Барселона»ни тарк этиши мумкин.
Каталония клуби 29 ёшли футболчи билан хайрлашишга қарор қилган. «Барcелона» раҳбарияти футболчининг клубдаги фаолияти ўз ниҳоясига етган деб ҳисобламоқда. Испаниялик футболчи энди «Барса»нинг режаларига кирмайди.
Каталония клуби жорий шартномаси 2022 йилнинг ёзида якунланадиган Роберто билан янги шартнома имзолаш режаси йўқ. Серхиога харидорлар бор-йўқлиги ҳали маълум эмас.
Серхио Роберто жароҳати туфайли ушбу мавсумда кўплаб учрашувларни ўтказиб юборди. У Ла Лигада 15 ўйин ўтказиб, 1 гол урди ва 2 голли узатма амалга оширди.
