Лионель Мессининг яқин қариндошлари футболчини «Барселона»дан «ПСЖ»га ўтишга кўндиришга ҳаракат қилишмоқда.
"Le Parisien" хабар тарқатишича, аргентиналик футболчи вазиятни отаси Хорхе Месси ва акаларидан бири билан муҳокама қилмоқда. Улар эса Мессига «Пари Сен-Жермен»га кўчиб ўтишни маслаҳат беришмоқда.
Парижликлар футболчига ҳозиргига нисбатан камроқ маош тўлайди, аммо бу сумма "Барса" таклиф қилаётган маошдан кўпроқни ташкил қилади. Шунингдек, "ПСЖ" Мессига шартнома имзолагани учун "кўтарма" пул ҳам таклиф қилишга тайёр.
Лео «Барселона»да қолишни истайди, аммо унинг клубга бўлган ишончи йўқолди. Каталонияликлар жорий мавсумда фақат Испания кубоги соврини билан чекланишди. Месси эса совринлар учун кураш олиб боришга қодир клубда ўйнашни истамоқда.