«Барселона» ҳужумчиси Лионель Месси «Реал» футболчиси Криштиану Роналду билан баслашишга катта аҳамият бермаслигини билдирди.

«Менимча, Роналду билан баслашишим футболчи сифатида ўсишимга таъсир кўрсатади, деб ўйламайман. Ҳеч қачон Криштиануга эътибор қилмаганман ва ўзимни ўзга футболчилар билан солиштирмаганман. Бош мақсадим ҳар йили олдинги йилгига нисбатан юқорироқ марраларни забт этиш, индивидуал ўсишга эришиш ва ўзимда жамоада ўйнаш сифатларини ўстириш; Роналдунинг мавжудлиги факти бунга ҳеч қандай таъсир ўтказа олмайди.

Ўйлашимча, у яхши инсон. Назаримда, Криштиану – кучли ўйинчи, у «Реал» учун кўп ишлар қилмоқда ва исталган онда ўйин тақдирини ўзгартириб юбора олади.

Мени ташвишлантираётган нарса «Реал»нинг қандай ўйнаётгани, чунки улар асосий рақибимиз ҳисобланади ҳар йили айнан улар билан соврин талашамиз. Лекин Роналду билан баслашиш – бўлмаган гап», – дея Месси сўзларидан иқтибос келтиради Time.

Эслатиб ўтамиз, Месси айни вақтда Испания чемпионатида 22 та (2 таси пенальтидан) гол киритган, Роналду эса — 23 та (9 таси пенальтидан).