«Барселона» сардори Месси қаторасига иккинчи мавсумда «Олтин бутса»га эга чиқолмайдиган бўлди. Чунки у «Эйбар»га қарши баҳсни ўтказиб юборади.
Бундан аввал Месси кетма-кет уч мавсум ушбу совринни қўлга киритганди.
2020 йил соврин "Лацио" ҳужумчиси Чиро Иммобилега насиб қилганди. Бунгача Месси қаторасига 3 марта барча рақибларини ортда қолдирган эди – 2017, 2018 ва 2019 йилларда.
Умумий ҳисобда Месси фаолияти давомида 6 марта "Олтин бутса"ни қўлга киритган.
Айни вақтда лигада 29 та гол урган Лео «Олтин бутса» учун курашда «Бавария» форварди Роберт Левандовскидан (39 та гол) ортда қолмоқда.