«Барселона» ярим ҳимоячиси кубок чорак финалининг «Реал»га қарши ўтган жавоб учрашуви (2:2) дан сўнг «бланкос» ўйинчиларининг хатти-ҳаракатларига қатъий тарзда баҳо берди.

«Реал» футболчилари ечиниш хонасида жуда норози эдилар. Буни ақлга сиғдириш қийин, лекин улар оддий мағлубиятни ҳазм қила олишмас экан.

Диарранинг Мессини чалган вазиятига тўхталсам, Лионелга бунгача худди шундай вазиятда сариқ карточка кўрсатилган эди, лекин Лассанинг қоидабузарлиги эътиборсиз қолдирилди, чунки унга кўрсатиладиган сариқ иккинчиси бўлар эди... Уни четлатишга мажбур бўларди. Ўша эпизодда «Реал» ўйинчиси яққол хатога йўл қўйди – у худди ҳайвондек ҳаракат қилди», – дея «Барселона» телеканали эфирида сўзлаган Хавидан иқтибос келтирмоқда Goal.com.

Қайд этиш жоизки, «Барселона» бу сўзлар ёзилган видеони расмий сайтга жойлаштирмаган эди ва клуб айни вақтда бу ролик қандай қилиб матбуот қўлига тушиб қолгани борасида суриштирув бошлаган.