«КПР» ҳимоячиси Антон Фердинандга «Челси»га қарши ўйин олдидан почта орқали конвертда ўқ жўнатилган. Хат айнан кимдан келганлига маълум эмас. Ҳозирда полиция бу иш бўйича суриштирув ишлари олиб бормоқда.
Reuters ахборот агентлигининг хабар беришича, хат «КПР» офисига, Антон Фердинанд номига келган.
Шуни таъкидлаб ўтиш жоизки, Англия чемпионатининг 9-турида бўлиб ўтган «КПР» ва «Челси» ўйинидан сўнг Жон Терри Антон Фердинандга нисбатан ирқчиликка оид ҳақоратли сўзларни ишлатгани ҳақидаги можаролар пайдо бўлганди. Айнан шунинг учун ҳам бу «Челси» мухлислари томонидан ўзига хос огоҳлантириш эканлиги тахмин қилинмоқда.
