"Милан" дарвозабони Жанлуижи Доннарумма кейинги мавсумни "Барселона"да бошлаши мумкин, фақатгина бир шарт эвазига.

АS нашри хабарига кўра, мавсум охирида "россонерилар" Чемпионлар Лигаси йўлланмасини қўлга кирита олишмаса Доннарумма катта эҳтимол билан каталонияликлар сафига ўтади.

Дарвозабоннинг агенти Мино Райола аллақачон "кўк-аноррангилар" билан боғланиб, уларга ўз мижозининг хизматларини таклиф қилган.

"Барса" Доннарумма борасида ижобий муносабатда. Клубнинг фикрига кўра, бундай шартнома Марк-Андре тер Штегенни сотишга имкон беради ва ундан тушган маблағ бошқа позицияларни мустаҳкамлашга сарфланади.