Францияда Карим Бенземанинг терма жамоага қайтиши борасидаги тортишувлар ҳалиям давом этмоқда.
Бироқ бу олдиндагига нисбатан анча камайган. Форвард Дидье Дешам билан келишувга эришганди. Маҳаллий тадқиқотчилар томонидан ўтказилган сўров натижаларига кўра французларнинг 43 фоизи Бенземанинг номзодига нисбатан салбий муносабатда.
Одамлар уни терма жамоада кўришни хоҳламайдилар. Аксинча, 57% киши Каримни қўллаб-қувватлайди.
Қизиғи шундаки, беш йил муқаддам респондентларнинг атиги 30 фоизи Бенземани ёқлаб чиққан эди. Ушбу мавсумдаги футболчининг ажойиб ҳаракатлари ушбу муносабатларда ўз ролини ўйнади.