«Бавария» ҳужумчиси Роберт Левандовски фаолияти давомида бирга ишлаган мураббийлар орасидан Юрген Клопп ва Карло Анчелотти ҳақида илиқ фикрларни айтиб, бўлажак мураббийи Юлиан Нагельсманн борасида ҳам тўхталди.

«Юрген Клопп — ҳар бир футболчи учун отадек бўлишга интилади. У – мотиватор, ҳар доим сени қўллаб-қувватлашга тайёр туради. Карло Анчелотти эса амакинг ёки тоғангдек яқин бўлишга интилади. У ҳар доим суҳбатга очиқ ва ёрдам беришга тайёр. Карло футболчи учун нима муҳимлигини руҳшунос каби яхши тушунади.

«Бавария»нинг бўлажак бош мураббийи Юлиан Нагельсманн билан ҳали гаплашганимиз йўқ. Уни шахсан танимасамда, Юлианни яхши мутахассис деб биламан. Ўйлайманки, у исталган клубни энг юқори даражасига олиб чиқа олади. У қаерда ишламасин, ўз даражасидан баланд сакрай олган мураббий. Уни яхши тактик деб биламан», - дейди мюнхенликларнинг польшалик форварди Sportweek билан суҳбатда.

Эслатиб ўтамиз, Левандовски Клопп қўл остида «Боруссия» Дортмундда тўп сурган бўлса, Анчелотти билан «Бавария»да бирга ишлаган.