Суареслашган "Атлетико". Сирли Эл Пистолеро. Важоҳатли Луис!

Бироз олдин Мадриднинг "Атлетико" клуби ўз тарихидаги 11-Ла Лига чемпионлигини қўлга киритди. Унда бевосита бир кишининг хизматлари беқиёс бўлди.

Қуйида эътиборингизга "матрасчилар"нинг ўтказган ажойиб мавсумига оид баъзи маълумотларни тақдим этамиз.

• Суареснинг "Атлетико"даги сўнгги 16 голи жамоага 21 очко олиб келган.

• Диего Симеоне "Атлетико"га келмагунча жамоа одатда 7-ўриндан тепага кўтарила олмаган. У келгач мадридликлар 10 йил ичида ҳали бирор марта ҳам кучли учликдан пастга тушиб кетмади. Орада икки марта Ла Лига чемпионлиги ҳам қўлга киритилди.

• "Арсенал" аъзоси Томас Парти "Атлетико"даги мавсум бошидаги дастлабки 3 ўйини эвазига Ла Лига чемпионлигига эга чиқди.

• "Атлетико" мавсумнинг нақ 26 ҳафтасини турнир жадвалининг биринчилигида ўтказди. Бу клуб шахсий рекорди.

• Суареснинг 16 голи жамоага 21 очко тақдим этиши билан бирга Ла Лига тарихидаги бир футболчи томонидан қайд этилган энг яхши кўрсаткич ҳам ҳисобланади.

Бунинг устига Эль-Пистолеро жамоаси голларининг нақ 33%ида қатнашди.

• Луис Суарес: Мен ўзимни қадрламаган клубда ўйнашни истамайман. "Атлетико" менга жой берди, паст маош эвазига бўлсада бу ерда чемпион бўла олишимни олдиндан ҳис этдим.

Мен "Барса"га буни кўрсатиб қўйишим керак эди. Фаолиятимни Қатар-у МЛСларда тугатишни истамайман. Мен охиригача топ лигада курашмоқчиман.

• Суарес "Атлетико"нинг умумий 26 ғалабасидан 11 тасини биргина ўз голлари эвазига амалга оширди. Бу мутлақ рекорд!

• 2013 йилда "Барса" Давид Виллани "Атлетико"га 5 миллионга сотиб юборганди ва кейинчалик у Мадрид жамоасида чемпион бўлган. Ўшанда Вилла 13 та гол урган эди.

2020 йилда эса "Барса" худди шу ишни Суарес билан амалга оширди. Луис 21 та гол уришга муваффақ бўлди.

• Кайл Уокер "Тоттенхем"ни тарк этди ва 3 марта АПЛни ютди.

Эриксен "Тоттенхем"ни тарк этди ва Скудеттони қўлга киритди.

Триппьер "Тоттенхем"ни тарк этди ва Ла Лигада ғалаба қозонди.

Навбат Кейнгами?!...

• Суарес важоҳати: у "Барса" сафига 2014 йили келиб қўшилгани заҳоти "Атлетико" чемпионлик курашига кейинчалик деярли яқинлаша олмади.
У "Атлетико" сафига қўшилибоқ жамоасини чемпион қилди - ўхшаш тақдирлар ва қизиқ контрастлар!

Албатта булар шунчаки кутилмаган ўхшашлик ва оддий тасодифлар эмас. Буларнинг барчасида Луис Суареснинг ҳақиқий маҳорати ва "Атлетико"нинг улкан сабри энг муҳим ролларни ўйнаб берди.

Юсуфбек Сайдалиев тайёрлади

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

07/02 00:45	Верона	0-0	Пиза
07/02 01:00	Лидс	3-1	Ноттингем Форест
07/02 01:00	Сельта	1-2	Осасуна
07/02 17:00	Индонезия	5-5	Эрон
07/02 17:30	Ман. Юнайтед	2-0	Тоттенхэм
07/02 18:00	Райо Вальекано	-	Реал Овьедо
07/02 20:00	Борнмут	1-1	Астон Вилла
07/02 20:00	Арсенал	3-0	Сандерленд
07/02 20:00	Бёрнли	0-2	Вест Хэм
07/02 20:00	Фулхэм	1-2	Эвертон
07/02 20:00	Вулверхэмптон	1-3	Челси
07/02 20:15	Барселона	3-0	Мальорка
07/02 22:00	Женоа	2-3	Наполи
07/02 22:30	Ньюкасл	2-3	Брентфорд
08/02 00:45	Фиорентина	2-2	Торино
08/02 01:00	Реал Сосьедад	3-1	Эльче
08/02 16:30	Болонья	-	Парма
08/02 18:00	Алавес	-	Хетафе
08/02 19:00	Лечче	-	Удинезе
08/02 19:00	Брайтон	-	Кристал Пэлас
08/02 20:15	Севилья	-	Жирона
08/02 20:15	Атлетик Бильбао	-	Леванте
08/02 21:30	Ливерпуль	-	Манчестер Сити
08/02 22:00	Сассуоло	-	Интер
08/02 22:30	Атлетико	-	Бетис
09/02 00:45	Ювентус	-	Лацио
09/02 01:00	Валенсия	-	Реал Мадрид
09/02 22:30	Аталанта	-	Кремонезе

Суареслашган "Атлетико". Сирли Эл Пистолеро. Важоҳатли Луис!

ЭНГ КЎП ЎҚИЛГАН ЯНГИЛИКЛАР