«Бавария» ҳужумчиси Томас Мюллер Мюнхен клубини тарк этаётган ҳимоячи Девид Алабага ҳазиломуз мурожаат қилди.
«Қайси клубга ўтишингни 100% билмайман, аммо бу муҳим эмас. Агар биз бир-биримизга қарши ўйнасак, сен бундан пушаймон бўласан, мен сени орқангдан тепаман», - дея Мюллернинг сўзларини келтиради AS.
Девид Алаба Мюнхеннинг «Бавария» жамоасида 2009 йилдан бери ўйнаб келмоқда. Ёзда австриялик футболчи эркин агент сифатида клубни тарк этади.
Жорий мавсумда ҳимоячи Бундеслиганинг 32 учрашувида майдонга тушди ва 2 гол, 3 муаллифига айланди. Футболчига асосий даъвогар клуб сифатида «Реал» ҳисобланмоқда.
Эслатиб ўтамиз, 2020/2021 йилги мавсум охирида «Бавария» Германия чемпиони бўлди. Мюнхенликлар кетма-кет 9-марта ва жамоа ташкил этилганидан бери 31-марта Бундеслига ғолибига айланишди.
