«Бавария» ҳужумчиси Роберт Левандовски Европада мавсумнинг энг яхши тўпурари бўлди.

32 ёшли польшалик Бундеслиганинг 29 ўйинида 41 гол урган ҳолда биринчи маротаба "Олтин бутса"ни қўлга киритди.

Левандовски «Барселона» сардори Лионель Месси (30 гол, 35 ўйин) ва «Ювентус» форварди Криштиану Роналдуни (29 гол, 33 ўйин) ортда қолдирди.

Ўтган мавсум ушбу совринни «Лацио» ҳужумчиси Чиро Иммобиле қўлга киритганди — 36 гол, А Серияда.

Мазкур мукофотни ютиш бўйича рекордчи Лионель Месси ҳисобланади. Унинг ҳисобида олтита "Олтин бутса" мавжуд.