«Лион» бош мураббийи Руди Гарсия лавозимидан озод этиладиган кўринади.

57 ёшли франциялик Лига 1 38-турида ўз майдонида«Ницца»дан қабул қилиб олинган мағлубиятдан (2:3) кейин бу ҳақда эълон қилди.

Жамоа тўртинчи ўринни эгаллаган ҳолда Чемпионлар Лигаси йўлланмасидан қуруқ қолди ва Европа Лигасида ўйнайди.

"Бугун биз жуда хафа бўлдик. Қўрқинчли сценарий. Бу менинг клубдаги сўнгги ўйиним эди. Клубни Чемпионлар Лигасига олиб чиқиб кетмоқчи эдим. Саёҳат ўз ниҳоясига етди", — деди мураббий.

Руди Гарсия «Лион» бошқарувини 2019 йилда ўз қўлига олганди. Жамоа 2019/20 йилги мавсум ЕЧЛнинг ярим финалига қадар етиб борди ва плей-офф баҳсларида «Ювентус» ҳамда "Манчестер Сити"ни мусобақадан чиқариб юборди.