"Манчестер Юнайтед" ярим ҳимоячиси Бруну Фернандеш Европа Лигаси финали доирасидаги «Вилярреал»га қарши ўйин олдидан ўзининг кутилмалари билан бўлишди.

"Жамоа жиддий ривожланишга эришди. Ўтган йилги ярим финалдаги жамоамиз билан солиштирганда кучлироқ бўлдик. Албатта, финалга қадар етиб бориш ажойиб. Аммо, барчаси идеал бўлиши учун ғалаба қозониш лозим. Нима қилишимиз кераклигини биламиз, лекин мураббий айтганидек имкониятлар тенг.

Бизни узоқ вақт давомида Сер Алекс Фергюсон қўлостида ўйнаган мураббий бошқармоқда. Финалдан завқланиш навбати бизга етиб келди. Бундай имкониятга ҳар бир клуб ҳам эга бўлавермайди.

Мухлисларсиз футбол — бошқа спорт тури. Уларнинг финалда трибуналарга қайтиши одамни хурсанд қилади. Умид қиламанки, улар ўйиндан роҳатланишади", — деди Фернандеш.