«Лилль» бош мураббийи Кристоф Гальтье клубни тарк этишини эълон қилди.

«Қарор қабул қилиб бўлдим. Узоқ суҳбатдан сўнг президентга «Лилль»дан кетишим тўғрисида хабар бердим. Нима дейишни билмайман. Ишончим комилки, бу ердаги вақтим тугади. 4 йиллик фаолият етарли. Ажойиб клубни тарк этиш вақти келганини ҳис қиляпман», – дейди мураббий L'Equipeга берган интевюсида.
 
54 ёшли мутахассис «Лилл»ни 2017 йил декaбрдан бери бошқариб келаётганди. Жамоа якунланган мавсумда 10 йиллик танаффусдан сўнг Франция чемпионига айланди ва «ПСЖ»нинг гегемонлигига барҳам берди.