«Вильярреал» бош мураббийи Унаи Эмери Европа Лигаси финалидан ўрин олган «Манчестер Юнайтед»га қарши ўйин олдидан ўз фикрларини билдириб ўтди.

«Ўзимиз билан фахрланамиз ва қолган сўнгги қадам учун жавобгарликни ҳис қиламиз. Бундан кейин ҳам лойиҳамиз ривожланишдан тўхтамайди. 

Европа Лигасида рақобат сезиларли даражада ошди. Ғалаба қозонишни мақсад қилган топ-клублар жуда кўп ва «Вильярреал» ҳам улар қаторидан жой олди. 

«МЮ»га қарши курашиш учун энг яхши ҳолатда бўлишимиз керак, чунки рақиб – жуда яхши жамоа. «МЮ» фаворит ва ажойиб тарихга эга. Аммо бизда ҳам финалда ғалаба қозониш учун сабаблар бор.

Мушук-сичқон ўйнамаймиз. Баҳсни назорат қилишимиз, шунингдек, рақибга энг яхши жиҳатларини намойиш этишига йўл қўймаслигимиз керак. Ғалаба қозона олмасак, нима бўлиши ҳақида ўйламаймиз. 

«МЮ» футболчиларни алмаштириш учун етарли ресурсларга эга. Рақибни, турнирни, финални ҳурмат қиламиз. Аммо «МЮ»даги йўқотишлар эвазига эмас, балки ўз ғояларимиз орқали ғалаба қозонмоқчимиз», – дея Эмерининг сўзларини келтиради УЕФА расмий сайти.