Ярим ҳимоячи Иско, шунингдек ҳимоячилар Рафаэл Варан ва Марсело "Реал"ни тарк этишлари мумкин.
Sports.ru нашрининг хабарига кўра, Рафаэлнинг кетиши деярли муқаррар. 28 ёшли футболчи янги чемпионатда ўзини синаб кўрмоқчи. Унинг шартномаси 2022-йил ёзида ўз ниҳоясига етади, шунинг учун "Реал" уни ҳозирда сотишга мажбур, акс ҳолда ҳимоячи бир йилдан сўнг текинга кетади. Мадрид клуби Варан трансфери учун 60 миллион евродан кўпроқ сўрааши тахмин қилинмоқда. Тез орада Давид Алаба унинг ўрнини эркин агент сифатида эгаллайди.
Марсело ва Иско Мадриднинг асосий таркибидаги жойларини йўқотишди ва ўтган мавсумда яхши ўйин амалиётига ҳам эга бўлишмади. "Реал Мадрид" уч нафар футболчининг сотилишидан жами 100 миллион евро ишлаб олишни режалаштирмоқда. Шунингдек, клуб яхши таклифлар олса Марко Асенсио ва Мариано Диасни ҳам сотииб юборади.
