"Ювентус" ҳужумчиси Пауло Дибала фаолиятини Ла Лига чемпиони - "Атлетико"да давом эттириши мумкин. Бу ҳақда Cadena SER хабар бермоқда.
Таъкидланишича, "матрасчилар" аллақачон Дибалани трансфери бўйича музокара олиб боришмоқда. Эҳтимол, "Атлетико" Анхел Корреани "Ювентус" билан алмаштиради ва Дибаланинг трансфери учун қўшимча пул тўлайди.
Дибала ҳозир "Ювентус"да муҳим ўйинчи эмас. Сўнгги мавсумда аргентиналик А Серияда 20 та ўйин ўтказди. Унинг ҳисобида атиги 4 та гол ва 3 та голли пас бор.