Лондоннинг «Челси» клуби бош мураббийи Томас Тухель Чемпионлар Лигаси финали олдидан Канте ва Мендининг ҳолатига тўхталди.

«Нъголо машғулотларда яхши кўринишга эга, умид қиламанки у шанба куни ўйнайди. Менди жорий мавсум жиддий ютуқларга эришди, жароҳатидан кейин унга халақит берган оғриқларидан халос бўлди.

Бу яхши. Агар Эдуард тайёр бўлса, у финалда майдонга тушади», - дея Тухелнинг сўзларини келтиради «Челси» матбуот хизмати.

Эслатиб ўтамиз, Канте «Челси»нинг сўнгги учта учрашувидан иккитасини ўтказиб юборган эди. Менди эса АПЛнинг 38-туридан ўрин олган «Астон Вилла»га қарши учрашувни (1:2) якунлай олмади.