Мураббий Массимилиано Аллегри "Ювентус" га қайтди.
Инсидер Фабризио Романо хабарига кўра, италиялик мутахассис "Ювентус" билан 2025 йилгача шартнома имзолаган.
53 ёшли мутахассис йилига 9 миллион евро олади. Аллегри "Реал" ва Зидан билан боғлиқ вазиятнинг ечимини кутмасликка қарор қилди.
Яқин соатларда Аллегрининг тайинланиши тўғрисида расмий хабар эълон қилиниши кутилмоқда.
Массимилиано аллақачон "Ювентус"ни 2014-2019 йилларда бошқарган, жамоа билан 11 та совринга эга чиққан. У Турин клубини икки марта Чемпионлар Лигаси финалига олиб чиққан. Аммо, мазкур учрашувларда "Барселона" ва "Реал"га ютқазган.
Эслатиб ўтамиз, бугун "Ювентус" Андреа Пирлони бош мураббий сифатида истеъфога чиқишини эълон қилди.
