"Ливерпуль" бош мураббийи Юрген Клопп "Лейпциг" клубидан сотиб олинган Ибраим Конате ҳақида фикр билдирди.
"Биз таркибни Конате билан кучайтирганимиздан жуда хурсандман. Ибраим анчадан буён менга ёқади, чунки унинг салоҳияти ҳақида билиб олдим.
Ўтган мавсум биз ҳимоя чизиғидаги жароҳатлар билан боғлиқ муаммолардан сўнг, ушбу зонани кучайтиришимиз кераклиги аён бўлди. Конате тимсолида биз жамоамизни янада кучайтирадиган футболчи олдик. Унинг таъсирчан жисмоний хусусиятлари бор: у тезкор, жуда кучли ва бош билан яхши ўйнайди.
Ибраим 90дан ортиқ Бундеслига ва Европа ўйинларида ўйнади, демак у иккита ниҳоятда қийин турнирларда тажрибага эга.
Ишончим комилки, Конате бизда дарҳол ўйнашни бошлашга қодир, аммо шу билан бирга у атиги энди 22 ёшда ва унинг имкониятларини ҳисобга олган ҳолда у ҳали ўсиши керак. У билан ишлашни орзиқиб кутаман", - дея Клоппнинг сўзларини келтиради "Ливерпул" матбуот хизмати.
