"Liverpul" bosh murabbiyi Yurgen Klopp "Leypsig" klubidan sotib olingan Ibraim Konate haqida fikr bildirdi.
"Biz tarkibni Konate bilan kuchaytirganimizdan juda xursandman. Ibraim anchadan buyon menga yoqadi, chunki uning salohiyati haqida bilib oldim.
O‘tgan mavsum biz himoya chizig‘idagi jarohatlar bilan bog‘liq muammolardan so‘ng, ushbu zonani kuchaytirishimiz kerakligi ayon bo‘ldi. Konate timsolida biz jamoamizni yanada kuchaytiradigan futbolchi oldik. Uning ta’sirchan jismoniy xususiyatlari bor: u tezkor, juda kuchli va bosh bilan yaxshi o‘ynaydi.
Ibraim 90dan ortiq Bundesliga va Yevropa o‘yinlarida o‘ynadi, demak u ikkita nihoyatda qiyin turnirlarda tajribaga ega.
Ishonchim komilki, Konate bizda darhol o‘ynashni boshlashga qodir, ammo shu bilan birga u atigi endi 22 yoshda va uning imkoniyatlarini hisobga olgan holda u hali o‘sishi kerak. U bilan ishlashni orziqib kutaman", - deya Kloppning so‘zlarini keltiradi "Liverpul" matbuot xizmati.
