"Манчестер Сити" устози Пеп Гвардиола Чемпионлар Лигаси финали доирасидаги «Челси»га қарши ўйин олдидан ўз фикрлари билан бўлишди.

"Баъзи футболчилар майдонга таранглик, муаммолар билан тушишади, аммо улар буни бартараф этишлари лозим.

Ишончим комилки, финалда ғалаба қозониш учун қийинчиликдан ўтишимиз керак. Роҳатланинг дейиш осон, аммо баъзан бу имконсиз. Бардам бўлиш ва мослашувчанликни сақлаб қолиш керак.

Мен қандай ўйнашимиз кераклиги, ким билан ўйнашимиз кераклигини биламан ва футболчиларга ортиқ босим қилмайман. Бу ерда бўлишимиз жуда катта имтиёз. Фаолиятим бошида ҳеч бўлмаганда бирор марта Чемпионлар Лигаси финалида ўйнашимни кутмагандим. Энди биз шу ердамиз. Бу бизнинг бахтимиз.

Ўйинчиларга нима демоқчилигимни аниқ биламан. Уларни жуда ҳам кўп безовта қилишни истамайман. Асабий ва хавотирга тушган футболчиларга бу табиий ҳолат дейман. Хотиржам шогирларимга ҳам бу нормал ҳолат деб айтаман. Ҳар бир футболчи ўз услубида бу ҳолатдан чиқиб кетади" , — деди Гвардиола.

Учрашув эртага Тошкент вақти билан 00:00да бошланади.