Франция терма жамоаси вингери Кингсли Коман ўз жамоасини дунёдаги энг кучли деб билишини тан олди.

"Биз Европа ва дунёдаги энг яхши ҳужум чизиғига эгамиз. Мен ҳужум ҳақида гапира бошладим, лекин менимча, умуман олганда бизда дунёнинг энг яхши жамоаси бор: хоҳ ҳужум бўлсин, хоҳ ҳимоячи бўлсин, хоҳ дарвозабон", - дейди Коман.

Маълумот учун, Коман терма жамоада 2015-йилдан бери ўйнаб келмоқда. Футболчи шу кунгача 29 та учрашувда майдонга тушиб, 5 та гол ва 1 та голли узатмага муаллифлик қилди. Евро-2020да Франция "F" гуруҳида Германия, Португалия ва Венгрия жамоалари билан тўқнаш келади.