"ПСЖ" бош мураббийи Маурисио Почеттино клуб раҳбариятига жамоадан кетмоқчи эканлигини айтди, деб хабар берди Daily Mail.
Аввалроқ, 49 ёшли мутахассис яна "Тоттенхэм"ни бошқариши мумкинлиги маълум бўлган эди. "Шпорлар" раҳбарияти Ҳарри Кейннинг кетиши мумкинлиги сабабли аргентиналик мутахассисни қайтариб унинг фикрини ўзгартирмоқчи.
Почеттино "Тоттенхэм"да 2014-2019 йиллар мобайнида ишлаган. У жамоа билан биргаликда Чемпионлар Лигаси ва Англия Лига Кубоги финалига чиққан.
2020/21 йилги мавсумда Почеттино бошчилигидаги "ПСЖ" Франция чемпионатида 2-ўринни эгаллади ва Чемпионлар Лигаси ярим финалида "Манчестер Сити" томонидан чиқариб юборилди.
