"Барселона" ҳимоячиси Сержиньо Дест жамоани тарк этиш нияти йўқ, деб хабар бермоқда Diario Sport.
Манба хабарига кўра, "Бавария", "Ювентус" ва Лондоннинг "Арсенал" клублари америкалик қанот ҳимоячининг трансферига қизиқиш билдиришган. Аммо футболчи ҳаттоки ушбу клубларнинг таклифларини тингламаган. 20 ёшли йигит мазкур жамоаларга фақат "Барселона" ҳақида ўйлашини ва ҳеч қаерга кетмоқчи эмаслигини айтган.
Таъкидланишича, Дест ривожланишда давом этишни истайди ва Каталония клубида ютуқларга эришмоқчи.
Ўтган мавсумда футболчи Ла Лигада 30 ўйин ўтказиб, 2та гол урган ва 1та голли узатмани амалга оширган.
