«Челси» ярим ҳимоячиси Нголо Канте Чемпионлар Лигаси финал баҳси якуни бўйича ҳафтанинг энг яхши ўйинчиси деб топилди.

«Манчестер Сити»га қарши кечган ўйинда (1:0) франциялик футболчи узатмаларининг 86 фоизини аниқ амалга оширди.

Ушбу ном учун қуйидаги футболчилар ҳам кураш олиб борганди:

Рис Жеймс («Челси») — 78% узатмалар аниқлиги, 3 та яккакурашларда устунлик;
Филип Фоден («Манчестер Сити») — 84% узатмалар аниқлиги;
Кай Хавертц («Челси») — 1 та гол.

Шунингдек, УЕФА мавсумнинг рамзий (фентези) терма жамоасини ҳам эълон қилди. Ундан финалчилар «Челси» ва «Манчестер Сити»нинг тўрт нафардан ўйинчиси ўрин олди.

Дарвозабон: Эдуард Менди («Челси»);

Ҳимоячилар: Сесар Аспиликуэта, Антонио Рюдигер ( иккиси — «Челси»), Рубен Диаш, Кайл Уокер (иккиси — «Манчестер Сити»);

Ярим ҳимоячилар: Фил Фоден, Илкай Гундўғон (иккиси ҳам «Манчестер Сити»), Жоржиньо («Челси»);

Ҳужумчилар: Килиан Мбаппе («ПСЖ»), Эрлинг Ҳоланд («Боруссия Д»), Муҳаммад Салоҳ («Ливерпуль»).