Ҳужумчи Серхио Агуэро «Барселона» билан шартнома имзолашга яқин турибди.
Diario Sport хабарига кўра, аргентиналик бугун Каталонияга учиб кетган ва эртага эрталаб тиббий кўрикдан ўтади.
Шартнома ҳам эртага имзоланиши мумкин, аммо барибир Агуэронинг жамоанинг футболчиси сифатида тақдимоти Америка кубогидан сўнг, бўлиб ўтади
Сешанба куни Агуэро Аргентина билан мусобақага тайёргарлик кўриш учун Буэнос-Айресга учиб кетади.
Маълумот учун, 2 июнь куни 33 ёшга тўладиган ҳужумчи ўтган мавсум АПЛ доирасида «Манчестер Сити» билан 12 учрашув ўтказди ва 4 гол, 1 голли пасга муаллифлик қилди.
