«Ювентус» «Сассуоло» яримҳимоячиси Мануэл Локателлининг трансфери бўйича музокараларни давом эттирмоқда.
Туринликлар аллақачон ёш яримҳимоячи учун расмий шартнома тайёрлаб қўйган. Бу ҳақда журналист Николо Скира хабар берди.
"Кекса синёра" беш йиллик муддатга - 2026 йил июнгача мўлжалланган шартнома имзолашни таклиф қилмоқда. Локателлининг янги клубдаги маоши бир мавсум учун 3 миллион еврони ташкил қилади.
Эслатиб ўтамиз, Донецкнинг «Шахтёр» клуби Локателлининг хизматларига қизиқиш билдирган эди. Маълум қилинишича, украиналиклар ҳам футболчига худди шундай маош тўлашга тайёр.
