«Реал» ҳимоячиси Серхио Рамос клуб билан шартномасини узайтирмоқчи. Бу ҳақда журналист Николо Шкира ўзининг твиттерида хабар берди.
Манбанинг кўра, 35 ёшли испаниялик Мадрид клубида қолишни истайди ва у билан шартномасини 2023 йилгача узайтиришни сўраган. Мадриднинг «Реал» клуби президенти Флорентино Перес эса клуб футболчи билан янги шартнома имзолаш-имзоламаслиги тўғрисида ҳали бир қарорга келгани йўқ.
Маълумот учун, 2020/21 йилги мавсумда Рамос «Реал» таркибида 21 ўйин ўтказиб, унда тўртта гол урган ва битта голли узатмани амалга оширган.
Апрель ойи охирида хабар қилинганидек, ҳимоячи икки йиллик шартнома имзоламоқчи, бунинг учун испаниялик футболчи иш ҳақининг 10 фоизга қисқаришига ҳам тайёр.
Аввалроқ, март ойи охирида ОАВ «Реал» Рамосга ойлик маоши 20% камайтирилган ҳолда бир йиллик шартнома таклиф қилаётганини маълум қилди, аммо футболчи буни рад этди.