"Бавария" ҳужумчиси Томас Мюллер ўзининг терма жамоадаги ўрни ва мақсадлари ҳақида гапирди.

"Терма жамоага чақирилмаслик мен учун зарба бўлди. Спорт нуқтаи назаридан мен Лёвнинг қарорини қабул қилдим. Унинг нимани назарда тутганини тушундим. Аммо энди буларнинг барчаси ўтмишда, ҳаммаси ўзгарди. Ханс-Дитер Флик менга "Бавария"да катта масъулият юклади. Ушбу ишонч яхши ўйин билан оқланиши керак.

Халқаро танаффуслар пайтида одатдагидан узоқлашиш менинг танам, руҳий ҳолатим, руҳим ва оилам учун фойдали бўлди. Аммо Германияни халқаро майдонда намойиш эта олиш - бу алоҳида шараф. Ушбу жамоанинг савиясини кўрганимда, немис футболини уйқусидан уйғотиш истаги пайдо бўлади. Бунга имконим борлигидан хурсандман", - дейди Мюллер