«Челси» бош мураббийи Томас Тухель Лондон клуби эгаси Роман Абрамовичдан бир нечта янги футболчиларни сотиб олишни сўради, деб хабар бермоқда The Telegraph.
«Челси» ёзги трансферлар билан таркибни кучайтириш учун 200 миллион фунт (232 миллион евро) сарф қилиши мумкин. Тухелнинг истаклар рўйхатидан ҳужумчи, ярим ҳимоячи ва ҳимоячи сотиб олиш ўрин олган. Тухель Абрамович билан Портуда 30 май куни Чемпионлар Лигаси финалидан кейин, Англияга учиб кетиш олдидан учрашган.
Мураббий ва клуб эгаси «Интер» ҳужумчиси Ромелу Лукаку ҳамда «Тоттенхэм» ҳужумчиси Харри Кейн ва «Вулверхемптон» футболчиси Адама Траорени сотиб олиш каби трансферларни муҳокама қилишган.
Тухелнинг шахсан ўзи «Боруссия М»дан Йонас Хофманн, «Вест Хем»дан Деклан Райс ва «Монако» дан Аурелиене Чуаменига қизиқиш билдирган. Шунингдек, Тухель ва Абрамович ҳимоячи Тиаго Силванинг шартномасини яна бир йилга узайтиришга келишиб олганлар.
Немис мураббийи яна бир марказий ҳимоячи Антонио Рюдигернинг шартномаси янгиланишини истамоқда, аммо инглиз клуби музокараларда ҳали ҳам муваффақиятга эришмаган. Эслатиб ўтамиз, ўтган ёзда «Челси» еттита янги ўйинчи учун 200 миллион фунт сарфлаган эди.
