Мадриднинг "Реал" клуби ярим ҳимоячи Лукас Васкес билан янги шартнома борасида келишиб олди. El Partidazo de COPE нашрининг хабар беришича, 3-июн, пайшанба куни "Реал" испан ярим ҳимоячиси билан 2024-йилгача ҳисоблаб чиқиладиган янги шартнома имзоланганлигини эълон қилади.
Васкеснинг амалдаги шартномаси 2021-йил 30-июнгача мўлжалланган. Футболчи "Реал" академиясини битирган бўлиб, у 2015-йилда "Эспаньол"дан "Реал"га 1 миллион евро эвазига қайтган. 29 ёшли испаниялик ушбу мавсумда барча мусобақаларда 34 учрашувда майдонга тушиб, 2 гол ва 8 голли узатмани амалга оширди.
