"Бавария" ҳужумчиси Роберт Левандовски Германия чемпионатининг якунланган мавсумидаги энг яхши футболчиси деб топилди. Бундеслига ўйинчилари ўртасидаги ўтказилган сўровномада у энг кўп очко овоз тўплади — 75,9%.

Иккинчи поғонани "Дортмунд" форварди Эрлинг Холанд (7,1%) эгаллаган бўлса, Томас Мюллер (3,5%) кучли учликка кирди.

Левандовски бешинчи марта Бундеслиганинг энг яхши ўйинчиси совринини қўлга киритди. Аввалроқ 32 ёшли футболчи 2013, 2017, 2018 ва 2020 йилларда энг яхши футболчига айланган эди.

Роберт мавсум-2020/21да Германия чемпионати доирасида 29та учрашувда майдонга тушиб, 41та гол муаллифига айланди. Натижада у "Олтин бутса" соҳибига айланди.