Тошкентнинг "Пахтакор" клуби ёшлари 4 февралдан 5 февралга ўтар кечаси Италияга - халқаро турнирда иштирок этиш учун жўнаб кетади. Бу ҳақда клуб матбуот котиби Беҳзод Назаров ўз Твиттерида маълум қилди.
6-20 февраль кунлари бўлиб ўтадиган турнирда 1992-96 йилда туғилган футболчилар иштирок этиши мумкин. Шунингдек, икки нафар 1991 йилда таваллуд топган футболчи қаторида, ижара асосида клубга келиб қўшилган яна 2та футболчи ҳам турнирда иштирок этиш ҳуқуқига эга.
"Пахтакор" ёшлари халқаро турнирнинг 5-гуруҳидан жой олишган. Бу ерда Тошкент жамоасига Италиянинг "Эмполи", "Арганезе" клублари қаторида, Венгриянинг "Хонвед" жамоаси ҳам рақиблик қилади.
