Италиянинг «Милан» клуби яна бир ҳафта давомида Ҳакан Чалханоглудан шахсий жавобини кутади.
Ёки турк яқин кунлар ичида жамоада қолиш масаласига ойдинлик киритади, ёки ёзда тугайдиган шартномани узайтирмайди. «Милан» туркиялик яримҳимоячи борасидаги мавҳумликдан чарчади.
Турли манбаларга кўра, «Ювентус»нинг Хаканга бўлган қизиқиши пасайган. У Қатарга ўтишни истамайди ва Премьер-лигадан унга жиддий таклифлар бўлмаган.
Чалханоглу «Милан»да қолишга тайёр, аммо барчаси маошларга боғлиқ. Турк жамоада қолишни истаса ўзининг молиявий талабларини чеклаши керак.