Англиялик меҳмонлар “Бунёдкор”га ташриф буюрди

Англиянинг “Brooke House College” футбол академияси делегацияси “Бунёдкор” футбол клубига ташриф буюрди.

Эртага Тошкент давлат транспорт университетида “Brooke House College” футбол академиясининг расмий очилиш маросими ўтказилади. Бугун инглиз академиясининг техник директори Мики Адамс бошчилигидаги делегация “Бунёдкор” футбол клубига ташриф буюриб, директор Улуғбек Мирзаев билан учрашди. Ҳар иккала раҳбарнинг ўзаро самимий суҳбати давомида томонлар ўзлари ҳақида батафсил гапириб беришди. Шунингдек, академияларнинг фаолияти, иш услуби ва тартиби тўғрисида фикр алмашишди.

Маълумот ўрнида айтиб ўтиш керак, Мики Адамс Англия терма жамоасида 4 та учрашувда майдонга тушган бўлса, Премьер лигада 400 дан ортиқ беллашувда ҳаракат қилган. 800 дан ортиқ ўйинда турли жамоаларни мураббий сифатида майдонга бошлаб тушган. Хусусан, кўпчилигимизга маълум, “Лестер”, “Фулхэм”, “Шеффилд Юнайтед” сингари жамоаларда мураббий сифатида фаолият юритган.

Меҳмонлар ташриф давомида “Бунёдкор” стадиони ва музейи билан ҳам яқиндан танишди. “Бунёдкор” футбол клуби директори Улуғбек Мирзаев академиянинг юртимиздаги фаолиятига омад тилар экан, мазкур ҳамкорликдан кейин яқин келажакда ўзбекистонлик футболчилар Буюк Британияга кўчиб ўтишига тилакдош бўлди. Ёдингизда бўлса, миллионлар ўйинига илк қадамларни Тошкентда қўйган Питер Одемвингие ўз вақтида Англиянинг “Вест Бромвич”, “Кардифф Сити”, “Сток Сити”, “Бристоль Сити” ва “Ротерем Юнайтед” жамоаларида тўп сурган. Албатта ушбу ҳамкорлик Англияда Ўзбекистон фуқароси бўлган ўйинчиларнинг кўпайишига хизмат қилади, деди “Бунёдкор” футбол клуби директори. Ўз навбатида Мики Адамс Ўзбекистон иқтидорларга бой мамлакат дея юртимиз футболи ҳақида илиқ фикрларни билдирар экан, асосий мақсадимиз бу ердаги иқтидорларни Англияга олиб кетиш, дея ўз фикрлари билан ўртоқлашди.

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

22/12 00:45	Лечче	1-2	Лацио
22/12 01:00	Барселона	1-2	Атлетико
22/12 16:30	Рома	5-0	Парма
22/12 18:00	Валенсия	2-2	Алавес
22/12 19:00	Фулхэм	0-0	Саутгемптон
22/12 19:00	Лестер	0-3	Вулверхэмптон
22/12 19:00	Ман. Юнайтед	0-3	Борнмут
22/12 19:00	Эвертон	0-0	Челси
22/12 19:00	Венеция	2-1	Кальяри
22/12 20:15	Реал Мадрид	4-2	Севилья
22/12 21:30	Тоттенхэм	3-6	Ливерпуль
22/12 22:00	Аталанта	3-2	Эмполи
22/12 22:30	Леганес	2-5	Вильярреал
22/12 22:30	Лас-Пальмас	1-0	Эспаньол
23/12 00:45	Монца	1-2	Ювентус
23/12 01:00	Бетис	1-1	Райо Вальекано
23/12 22:30	Фиорентина	-	Удинезе
24/12 00:45	Интер	-	Комо

Англиялик меҳмонлар “Бунёдкор”га ташриф буюрди

ЭНГ КЎП ЎҚИЛГАН ЯНГИЛИКЛАР