«Ювентус» президенти Андреа Аньелли Европа Суперлигасини яратиш ғояси қачондир ҳатто УЕФАда ҳам қўллаб-қувватланишини айтди.
«Дастлаб Суперлига ижодкорлари УЕФА билан келишувни муҳокама қилишди. Аммо энди биз фақат ўзимизга нисбатан ҳақорат ва таҳдидларни эшитмоқдамиз.
Агар биз Европа футболини ислоҳ қилмоқчи бўлсак, унда бундай бизга ва ғоямизга ёт хатти-ҳаракатлар қабул қилиниши мумкин эмас. УЕФАда бизнинг тарафдорларимиз борлигини биламан. Биз ўзаро мулоқотни давом эттиришимиз керак.
Бошқа спорт турлари аллақачон форматларини ўзгартириб юборган ва бизга Чемпионлар Лигасида ҳам ўзгаришлар ва ислоҳотлар керак. «Ювентус», «Реал» ва «Барселона» турнирни барча клубларнинг манфаатлари йўлида ислоҳ қилмоқчи", - дейди Аньелли.
