Фаолияти давомида “Насаф", "Бунёдкор" ва "Нефтчи" каби номдор клубларда ўзининг ёрқин ўйинлари билан мухлислар меҳрини қозонган таниқли мутахассис Анвар Бердиев "Турон" мураббийлар штабида иш бошлади.
Истеъдодли мураббий бугунга қадар "Истиқлол" ва "Бухоро" клубларида бош мураббий сифатида ишлаган. Шунингдек Анвар Бердиев миллий чемпионатларимизда 500 тадан кўп ўйин ўтказган футболчи сифатида тарихда қолган. Бердиев жамоа ҳужум чизиғини янада кучайтириш мақсадида яйпанликлар тизимига ёрдамчи мураббий сифатида жалб этилди.
"Турон" футбол клуби барча мухлислар номидан Анвар Бердиевнинг жамоамиздаги фаолиятида улкан муваффақиятлар ёр бўлишини тилайди", дейилади клуб телеграм каналида.
