Мадриднинг "Реал" клуби ярим ҳимоячиси Гарет Бэйл фаолиятини тугатишни режалаштирмоқда, дея хабар беради Marca.
Манбанинг хабарига кўра, футболчи Уэльс терма жамоасида иштирок этадиган Евро-2020дан сўнг қарорини эълон қилади.
Бэйл "Реал" билан шартномасини бекор қилишни режалаштирмоқда. 31 ёшли уэльсликнинг клуб билан шартномаси 2022 йил ёзида ўз ниҳоясига этади. "Мадрид" клуби ҳам шартномани бекор қилишга рози.
Агар Бэйл шундай давом этса, унда "Реал" Гаретга 22 миллион евро пул тўлашга мажбур бўлади. Бу клуб уэлслик футболчига маош сифатида тўланиши керак.
