Бешта вазн дивизионида собиқ Жаҳон чемпиони Флойд Мейвезер 7 июнь тонгида видеоблогер Логан Полга қарши жанг қилди.
Саккиз раундлик кўргазмали жанг тўлиқ давом этди. Унда устунлик Мейвезер томонидан бўлган бўлсада, нокаут қайд этилмагани боис ғолиб номи аниқланмади.
Шунингдек, бокс кечасида яна иккита жанг ўтказилди:
Жарретт Ҳерд (24-2, 16 КО) ҳакамлар қарорига кўра Луис Ариасга (19-2-1, 9 КО) ютқазиб қўйди: 97-93, 96-93, 94-95;
Баду Жек (24-3-3, 14 КО) 4-раундда Дервин Колинни нокаутга учратди (15-1, 13 КО).
Маълумот учун, Флойд профессионал фаолияти мобайнида 50 та жанг ўтказиб, уларнинг ҳаммасида ғалаба қозонган (27 та нокаут).
Логан Пол ҳисобида эса мағлубият билан тугаган битта жанг бор.