«Манчестер Юнайтед» яримҳимоячиси Фред жамоанинг ўтган йилги ютуқлари ҳақида гапирди. Бразилияликнинг сўзларига кўра, «қизил иблислар» ажойиб мавсум ўтказган.
«Менинг фикримча, биз бир жамоа сифатида жуда яхши кўринишга эга бўлдик. Таркиб мавсум давомида ўсди. Биз чемпионатни жуда яхши бошлай олмадик, аммо кейин барчаси жойига тушиб кетди. Европа Лигаси финали бу мавсумга бериладиган ажойиб баҳо.
Йиллар ўтиб бориши билан биз янада яхшиланиб борамиз. Менимча бутун жамоа ажойиб мавсумни ўтказди. Мен кўпроқ ютуқларга эришишни хоҳлардим, биз совринларни ютмоқчимиз», - дейди бразилиялик.
