"Реал" ҳимоячиси Рафаэль Вараннинг келажаги ноаниқлигича қолмоқда.
Аs нашрининг хабарига кўра, Мадрид клуби француз кетишни ўйлаётганини билади, аммо улар барибир таклиф қилинган шартномага жавоб беришини кутишмоқда. Мадридликлар раҳбарияти Варан таклифга ижобий жавоб беришига умид қилмоқда.
Мадриднинг "Реал" клуби Варан билан хайрлашишни истамаяпти ва футболчи келаси ёзда текинга кетмайди деб умид қилмоқда.
Марказий ҳимоячининг чиқарадиган қарори "Реал" билан янги шартнома борасидаги музокаралар боши берк кўчада турган Серхио Рамоснинг келажагига жиддий таъсир кўрсатиши мумкин.
Маълум бўлишича, франциялик футболчи Мадрид билан янги шартнома имзолашни истамаслиги унинг "Манчестер Юнайтед"дан яхшироқ таклиф олгани билан боғлиқ.
