Лондоннинг «Челси» клуби «Интер»нинг марокашлик умидли ҳимоячиси Ашраф Ҳакимига қизиқиш билдирмоқда, деб хабар беради FCInterNews.
Манбанинг хабарига кўра, инглиз клуби ёзги трансферлар вақтида футболчини сотиб олиш вариантини кўриб чиқмоқда. Аммо «Интер»га айни дам давом этиб келаётган молиявий қийинчиликлар тўсиқ бўлиши мумкин. Шунингдек, Ҳакимига ПСЖ ва «Бавария» ҳам қизиқмоқда.
Ўтган мавсумда 22 ёшли Ҳакими «Интер» таркибида барча турнирларда 45 учрашув ўтказиб, еттита гол урди ва 11 голга узатма берди. Унинг клуб билан шартномаси 2025 йилнинг ёзигача амал қилади.
