«Барcелона» Усман Дембеленинг келажагига имкон қадар тезроқ ойдинлик киритиш ниятида.
2022 йил ёзида клуб билан амалдаги шартномаси тугайдиган француз янги келишув бўйича музокараларни бошлашга шошилмаяпти. Шу сабабли, Каталония клуби Дембеленинг олдига ультиматум қўйди: у «Барса» томонидан қўйилган шартларга рози бўлиши ёки шартномага имзо чекмаслигини эълон қилиши керак. Бундай ҳолатда, Барса уни ушбу трансфер ойнасида сотиб юборади.
"Кўк-анорранглилар" Дембеле Барсада қурилаётган спорт лойиҳаси учун муҳим ўйинчига айланиши мумкин деб ҳисоблайди. Аммо, клуб футболчининг молиявий талаблари жуда юқори бўлишидан қўрқмоқда, дея хабар беради "Diario Sport" нашри.
Ўтган мавсумда француз Ла Лигада 30та ўйин ўтказиб, 6та гол урди ва 3та голли узатма амалга оширди.
