«Ал Садд» бош мураббийи ва «Барселона» собиқ футболчиси Хави Эрнандес Каталония клубидаги келажаги ҳақида саволга жавоб берди.

«Бу лаҳза қачон келишини билмайман. Мен ҳар қандай таклифларни тинглашга тайёрман, аммо сўнгги қарорга шошилмайман. Бу ердаги икки йиллик мураббийлик фаолиятимда ҳам Лапорта билан жуда яхши муносабатда бўлганман.

Улар Куман билан ишлашни давом эттиришга қарор қилишди ва мен унга энг яхши тилакларимни тилаб қоламан. Бу уларнинг қарори ва мен уни ҳурмат қиламан.

Ўйлайманки, у клуб учун ҳаммадан яхшироқ бўлишга ҳаракат қилади. Мен доим "Барса"нинг ишларидан хабардор бўлиб келганман ва жорий тизимдан жуда ҳам мамнунман. Аммо сўнгги уч-тўрт ой ичида мен "Барселона" дан ҳеч ким билан боғланмадим» - дейди Хави.

Эслатиб ўтамиз, бир ой олдин Хави «Ал Садд» билан шартномани узайтирганди.