Кириш Регистрация
21/06 02:00 Венесуэла 2-2 Эквадор
21/06 05:00 Колумбия 1-2 Перу
21/06 21:00 Македония 0-3 Нидерландия
21/06 21:00 Украина 0-1 Австрия
21/06 23:59 Россия 1-4 Дания
21/06 23:59 Финляндия 0-2 Бельгия
22/06 20:00 АГМК - Қизилқум
22/06 23:59 Хорватия - Шотландия
22/06 23:59 Чехия - Англия
23/06 20:00 Пахтакор - Андижон
23/06 20:00 Металлург - Насаф
23/06 21:00 Словакия - Испания
23/06 21:00 Швеция - Польша
23/06 23:59 Португалия - Франция
23/06 23:59 Германия - Венгрия

Илҳом Ханжариев: «Жамоамиз чемпионлик учун курашишга тайёр»

Баҳо:
+ | -

Эртага Ўзбекистон U20 аёллар терма жамоаси Душанбе шаҳри мезбонлик қиладиган CAFA U20 Women’s Championship 2021 халқаро турниридаги ўз иштирокини бошлайди.

Бугун Душанбедаги “Республика марказий стадиони” анжуманлар залида ўйин олди матбуот анжумани бўлиб ўтди. Унда жамоамиз бош мураббийи Илҳом Ханжариев ва жамоа сардори Тожинисо Рашидова иштирок этди.

– Авваламбор, Тожикистонда бундай мусобақани ташкил қилинаётгани учун Марказий Осиё футбол ассоциациясига миннатдорчилик билдирмоқчиман. Тошкент ва Душанбе биродар шаҳарлар ҳисобланади ва шу сабабли ҳам, барчамизга шаҳар жуда ёқди.

Жамоанинг тайёргарлигига келсак, бу ерга келишдан аввал Тошкентда бир ҳафталик ўқув-машғулот йиғини ўтказдик. Бундан ташқари, март ойидаги ҳам йиғин ташкил этилган эди. Шунингдек, Ўзбекистон аёллар чемпионати қизғин паллада. Биринчи давра якунланди ва барча қизлар мазкур мусобақада ўз клуби сафида оптимал формада тўп сурмоқда.

Душанбега парвоз билан боғлиқ муаммолар бўлмади, биз тезда учиб келдик. Тожикистон футбол федерацияси бизни илиқ кутиб олди, умуман олганда, ҳаммаси яхши.

Биз бу ерга шунчаки таркибни шакллантириб олиш ёки Осиё Кубогининг саралаш ўйинларига тайёргарлик кўриш учун эмас, балки ўз олдимизга қўйган вазифамиз — ғалаба қозониш учун келдик.

Эрон терма жамоаси бизнинг асосий рақибимиз эмас, бу турнирдаги барча жамоалар биз учун жиддий қаршилик кўрсата олади. Пандемия ҳаммага таъсир қилди. Аммо ўтган йили ҳам маҳаллий чемпионатни ўтказдик. Бу йил пандемия бизга ҳам таъсир қилди, лекин 2020 йилдагидек даражада эмас ва жамоа оптимал ҳозир формада.

Манба: ufa.uz
Киритилди: 18:57, 10.06.2021.
Ўқилди: 993 марта.
Фикрлар: 0 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.